اسلام آباد۔29جون(اے پی پی) وزیراعظم محمد شہبازشریف اتے چیف آف آرمی سٹاف جنرل سید عاصم منیر عید دا ݙینھ فوجی جواناں نال گزاریے۔ وزیراعظم شہباز شریف، وزیرخزانہ سینیٹر اسحاق ڈار، وزیردفاع خواجہ محمد آصف اتے وزیراطلاعات مریم اورنگزیب نال پاک افغان سرحدی علاقے پارہ چنار پڄین جتھاں وزیراعظم محمد شہباز شریف اتے چیف آف آرمی سٹاف سید عاصم منیر عید نماز فوجی افسراں اتے جواناں نال پڑھی تے عید مبارک ݙتی۔ وزیراعظم فوج دے اعلیٰ جذبے، عسکری تیاری اتے اعلیٰ پیشہ وارانہ معیار دی تعریف کیتی۔ جواناں اتے افسران نال ملݨ ویلھے وزیراعظم آکھیا جو مادروطن دی سرحداں دی جرأت وبہادری نال حفاظت کرݨ آلے اپݨے افسراں اتے جواناں دے جذبے کوں سلام پیش کرینداں ڄیڑھے اپݨا آرام چھوڑ تے وطن عزیز دے تحفظ، دفاع و سلامتی کیتے کھڑن۔ وزیراعظم شہبازشریف پوری قوم خاص کر افواج پاکستان دے افسراں تے جواناں کوں عید مبارک ݙتی اتے عزم دوہرایا جو امن تباہ کرݨ، دہشت گردی کرݨ، انہاں دے ٻانھ ٻیل اتے سہولت کاراں کاراں کوں کتھائیں لکݨ دی ڄاہ نا ملسی، قوم کوں تقسیم کرݨ اتے فساد کھنݙاوݨ آلیاں کوں ہر ڄاہ تے شکست تھیسی، ساکوں شہداء پاکستان تے ماݨ اے۔ وزیراعظم شہداء دی یادگار تے پھول چڑھائے تے فاتحہ پڑھی۔
.jpg)
