بیجنگ۔30مارچ(اے پی پی):وفاقی وزیر منصوبہ بندی و ترقی احسن اقبال آکھیے دی بیلٹ اینڈ روڈ انیشٹیو توں پاکستان دے توانائی دے شعبے اچ سرمایہ کاری کیتی ڳئی تے پاکستان اچ بجلی دے بحران کوں حل کیتا ڳئے ۔ خمیس دے ݙینھ چینی میڈیا دے مطابق وفاقی وزیر منصوبہ بندی فورم توں خطاب کریندے ہوئیں آکھیے جو پاکستان صنعت کاری اتے نویں ٹیکنالوجی دی ترقی کیتے سرمایہ کاری دی شدید کمی دا شکار اے، انیشیٹو دی اصل خوبی اے ہے جو چین ݙوجھے ترقی پذیر ملکاں دے نال آپݨی ترقی دے ثمرات دا اشتراک کریندے ۔بو آئو ایشیائی فورم دی 2023 سالانہ کانفرنس دے دوران منعقدہ “دی بیلٹ اینڈ روڈ ترقیاتی مواقع دے اشتراک” دے موضوع تے فورم اچ شرکاء دی بیلٹ اینڈ روڈ منصوبے دے ݙاہ سالاں اچ حاصل کیتے ڳیاں کامیابیاں تے مستقبل دی ترقی سودھے ٻئے امور تے ڳالھ مہاڑ کیتی تے دی بیلٹ اینڈ روڈ توں وابستہ ملکاں تے علاقیں دی اعلیٰ معیاری ترقی کیتے دانش پیش کیتی۔اعدادوشمار موجب سال 2022 دے آخر تئیں چینی کاروباری اداریں دی بیلٹ اینڈ روڈ توں وابستہ ملکاں اچ کل 57 بلین 130 ملین امریکی ڈالرز دی سرمایہ کاری کیتی تے 421,000 مقامی ملازمتاں پیدا کیتیاں ڳئن ، جنھاں توں وابستہ ملکاں کوں ٹھوس مفادات حاصل تھئن ݙاہ سالاں اچ چین 150 توں ودھ ملکاں تے 30 توں ودھ بین الاقوامی تنظیماں نال تعاون دے دستاویزات تے دستخط کیتے ۔
.jpg)
