اسلام آباد۔15ستمبر (اے پی پی) وفاقی وزیر داخلہ محسن نقوی خیبر پختونخوا اچ سیکورٹی فورسز دے اڄوکے آپریشنز کوں بہادرانہ، منظم تے پیشہ ورانہ قرار ݙیندے ہوئے جواناں کوں خراج تحسین پیش کیتا۔ وزیر داخلہ آکھا جو اڄوکی کارروائیاں اچ 31 بھارتی سپانسرڈ دہشتگرداں کوں جہنم واصل کر ݙتا ڳئے تے سیکورٹی فورسز بروقت کارروائیاں دے ذریعے دشمن دے مذموم عزائم کوں ناکام بݨا ݙتا۔ وزیر داخلہ آپݨے بیان اچ آکھیا جو بھارتی سپانسرڈ دہشتگرداں کوں عبرت ناک انجام تئیں پڄاوݨ آلے سیکورٹی فورسز دے جواناں کوں میݙا تے قوم دا سلام اے، اے بہادر جوان ریاست دے دفاع اچ آپݨی جاناں دا نذرانہ پیش کرتے دشمن کوں سبق سکھیندے پئن۔ محسن نقوی آکھا جو قوم سیکورٹی فورسز دے شانہ بشانہ کھڑی اے تے فتنہ ہندوستان دے دہشتگرداں کوں پاکستان وچ لُکݨ دی اجازت کݙاہیں نہ ݙتی ویسی۔ انہاں شہداء دے لواحقین دے نال دلی ہمدردی دا اظہار کیتا تے زخمی اہلکاراں دی جلدی صحت یابی کیتے دعا وی کیتی۔
