اسلام آباد۔9جنوری(اے پی پی)وزیراعظم عمران خان آکھیے جو ٹوٹ بٹوٹ میکوں بلیک میل نئیں کر سڳدے،اپݨی کرپشن اتے لٹ مار بچاوݨ کیتے اداریاں تے دباو ودھایا ویندا پئے، اداریاں تے حملے کرݨ آلیاں کوں نہ چھڑیسوں۔ اے ڳالھ انہاں ڈیجیٹل میڈیا دے نمائندیاں نال الویندے آکھی۔ انہاں آکھیا جو پہلے ہمیشہ مارشل لا اچ فوجی قیادت تے تنقید تھیندی اے، پتا نئیں جمہوری دور اچ فوجی قیادت کوں کیوں نشانہ بݨیندے پین؟ انہاں آکھیا جو ملک نچلے طبقے دی کرپشن نال نئیں حکومت اتے حکمراناں دی لٹ مار نال تباہ تھیندن، پی ڈی ایم چوراں، لٹیراں اتے ڈاکواں دا ٹولہ اے، اے ہک فیصلہ کن جنگ اے اتے اے ٹوٹ بٹوٹ میکوں بلیک میل نئیں کر سڳدے، جیکر انہاں کوں این آ ر او ݙے ݙیواں تاں میݙا جیوݨ سوکھا تھی ویسی بھل میں اوکھا رستہ چنݨ ڳھدے۔ وزیر اعظم آکھیے جو ساݙی حکومت بلوچستان دی ترقی تے خصوصی توجہ ݙیندی پئی اے، بھل بلوچستان دی تباہی اچ سرداری نظام دا وݙا کردار اے، اڄ سردار امیر تھی ڳین اتے عوام غریب رہ ڳین۔وزیراعظم آکھیے جو تبدیلی آندی نئیں پئی، آ ڳئی اے، چور اچکے جیلاں دے اندرو ٻاہرو آندے ویندے کھڑن۔ انہاں آکھیا جو مولانا فضل الرحمن ہر حکومت اچ رہین بھل پہلی واری میدان توں ٻاھرو تھیوݨ تے ٹپدے ودن، فوج تے تنقید کیتی ڳئی اے،ہݨ مفتی کفایت اللہ لکدے ودن، انہاں کوں پکڑیسوں، فوج مخالف بیانات ݙیوݨ آلیاں دا پورا علاج تھیسی۔
