اسلام آباد۔ 23 مئی (اے پی پی) پاکستان بھارتی وزیر اعظم ولوں راجستھان اچ اڄوکے عوامی خطاب اچ لاتے گئے بے بنیاد، اشتعال انگیز اتے غیر ذمہ دارانہ الزامات کوں ڈو ٹوک لفظاں اچ مسترد کریندیں ہوئیں آکھیا جو تحریفات، غلط بیانیاں اتے اشتعال انگیز بیانات نال بھرے انہاں ریمارکس دا نشابر مقصد تنگ سیاسی فیدے کیتے علاقائی کشیدگی کوں ہوا ڈیوݨ اے۔ دفتر خارجہ دے ترجمان ولوں جمعے کوں جاری بیان موجب ایجھیے بیانات نہ صرف عوام کوں گمراہ کرݨ دی جاݨ بجھ تے کوشش دی عکاسی کریندن بلکہ ذمہ ??ار ریاستی نظام دے اصولاں دی وی خلاف ورزی کریندن۔ ترجمان آکھیا جو دھمکیاں دا سہارا گھنݨ اتے ہک خودمختار ملک دے خلاف فوجی کارروائی تے فخر کرݨ اقوام متحدہ دے چارٹر اتے بین الاقوامی قانون دے قائم کردہ اصولاں دی سنگین خلاف ورزی اے، اے خطرناک رویہ علاقائی امن اتے استحکام کوں نقصان ݙیندے۔ بیان اچ آکھیا گئیا جو پاکستان دہشت گردی دے خلاف عالمی جنگ اچ ہک مستقل اتے فعال سانجھ?? دار اے، پاکستان کوں دہشت گردی دی کارروائیاں نال جوڑݨ دا کوئی وی الزام حقیقت اچ غلط اتے صاف طور تے گمراہ کن اے، اے ہک حربہ اے جیڑھا اکثر بھارت آپݨے اندرونی چیلنجاں خاص طور تے آپݨے غیر قانونی زیر تسلط جموں تے کشمیر اچ جابرانہ پالیسیاں توں توجہ ہٹاوݨ کیتے استعمال کریندے۔ انہاں آکھیا جو بھارت پاکستان کوں قربانی دا بکرا ٻݨا تے جموں و کشمیر اچ انسانی حقوق دی سنگین خلاف ورزیاں تے پردہ پاوݨ چاہندے، کشمیری عوام دی حالت زار اتے حق خود ارادیت کیتے انہاں دی منصفانہ جدوجہد کوں جارحانہ بیان بازی اتے سیاسی انحطاط نال لکایا نئی ونج سگدا۔ ترجمان آکھیا جو پاکستان بھارتی قیادت تے زور ݙتا جو او ذمہ داری اتے تحمل دا مظاہرہ کرے، ودھدے ہوئے بیانات اتے جارحانہ انداز تناؤ کوں ودھاوݨ دے علاوہ کوئی بیا مقصد پورا نہیں کریندا۔ انہاں آکھیا جو بھارت کوں فرضی بیانی?? دا سہارا گھنݨ اتے انتخابی فیدہ چاوݨ کیتے جنگجوانہ عزائم دا سہارا گھنݨ دی بجائے پرامن گالھ مہاڑ اتے سفارت کاری نال تصفی?? طلب تنازعات کوں حل کر تے پختگی دا مظاہرہ کرݨا چاہیدے۔ بیان موجب پاکستان پرامن بقائے باہمی، علاقائی استحکام اتے تعمیری مشغولیت کیتے پرعزم اے۔ تہوں، ساڈی امن دی خواہش کوں کمزوری نہ سمجھیا ونجے۔ پاکستان دی عوام اتے مسلح افواج ملک دی خودمختاری اتے علاقائی سالمیت دے دفاع کیتے پوری طرح تیار اتے اہل ہن۔ ترجمان واضح کیتا جو کہیں وی مہم جوئی یا جارحیت دا پرعزم اتے متناسب جواب ڈتا ویسی۔ پاکستان ماضی اچ وی آپݨے عزم دا مظاہرہ کیتے اتے اگر لوڑھ پئی تاں ولا وی کریسی۔ عالمی برادری کوں بھارت دے جارحانہ انداز اتے نفرت تے مبنی بیانی?? دا سنجیدگی نال نوٹس گھݨا چاہیدے جئیں نال علاقائی امن کوں خطرہ اے۔ بیان موجب جنوبی ایشیا اچ استحکام کوں برقرار رکھݨ کیتے ایجھی بیان بازی اتے اقدامات دی حوصلہ شکنی ضروری اے، تنازعات دی تسبیح نال کہیں کوں فیدہ نہیں تھیندا، اتے پائی??ار امن دا راہ گالھ مہاڑ، آپسی احترام اتے بین الاقوامی قانون دی پاسداری اچ اے۔
