اسلام آباد۔11مارچ (اے پی پی) وزیراعظم محمد شہباز شریف طلبہ تے طالبات کوں بہترین اتے جدید تعلیمی سہولتاں ݙیوݨ کیتے دانش سکول دے بعد دانش یونیورسٹی ٻݨاوݨ دا اعلان کریندیں ہوئیں آکھیا جو دانش یونیورسٹی کوں ایجھا ادارہ ٻݨیسوں جو دنیا اچ ناں پیدا کریسی۔ بددیانتی نال 190 ملین پائونڈ سرکاری خزانے اچ جمع نی کرائے ڳئے، اے رقم دانش یونیورسٹی ٻݨاوݨ تے خرچ کیتی ویسی۔دانش یونیورسٹی نال ہونہار طلبا کوں بہترین تعلیمی موقع ملسن۔ اے ڳالھیں انہاں منگل کوں دانش یونیورسٹی دی سٹیئرنگ کمیٹی دے اجلاس توں خطاب کریندیں ہوئیں آکھی۔ وزیراعظم آکھیا جو دانش سکول دے بعد دانش یونیورسٹی ٻݨائی ویسی۔ ایں یونیورسٹی اچ آئی ٹی، مصنوعی ذہانت ، تحقیق و ترقی دے سینٹرز ٻݨائے ویسن اتے باقاعدہ ورکشاپس کرائی ویسن۔ اندرلے اتے ٻاہرلے ملک اتے پوری دنیا توں بہترین سکالرز اتے ماہرین کوں یونیورسٹی اچ تعلیمی خدمات ݙیوݨ کیتے سݙیسوں۔ وزیراعظم آکھیا جو اے ملک دی تاریخ دا اہم ݙینھ اے، بدترین بددیانتی نال ہک سو نوے ملین پاؤنڈ سرکاری خزانے اچ جمع کراوݨ دی بجائے ایجھے اکاؤنٹ اچ جمع کرا ݙتے ڳئن ہن جئیں دا ملکی خزانے نال کوئی تعلق کائنا ہئی۔ سپریم کورٹ دے چیف جسٹس دا شکریہ ادا کرینداں جو انہاں آکھیا جو اے رقم حکومت ??اک??تان اتے ??اک??تان دی عوام دی اے اتے حکومت اینکوں عوامی بھلائی کیتے جینویں چاہے خرچ کر سڳدی اے۔ اے رقم دانش یونیورسٹی تے خرچ کیتی ویسی۔ ایں بارے تعاون کرݨ آلے سارے وزیراں اتے ٻئے معتلقہ محکمے اتے افسراں دا شکریہ ادا کریندوں۔
.jpg)